Innuttaasut peqataatinneqassapput
Qaasuisup Kommuniani inuttaasut imaani uuliasiornermi ingerlatsinissat pillugit tusarniaanermut peqataaqquneqarput
Qaasuisup Kommuniata ukioq manna imaani uuliasiornermi ingerlatsinissat pillugit tusarniaanermut innuttaasut peqataatinniarpai. Tamanna sapaatit akunneranni tullermi innuttaasunik marloriarlunik ataatsimiititsinikkut ingerlanneqassaaq. Ilulissani marlunngorneq 15. marsi kiisalu Aasianni pingasunngorneq 16. marsi.
Soqutiginnittut tamarmik Qaasuitsup Kommuniata imartaani uuliasiornermik ingerlatsinissat pillugit tusarniaanermut peqataaqquneqarput kommuneqarfiup nittartagaani tamanna ersersinneqarpoq.
Ukioq manna suliffeqarfissuaq Gairn Energy Kalaallit Nunaanni Uuliasiornermik ingerlatseqqissaaq, naatsorsuutigineqarporlu tamatuminnga suliaqarnerit ilaat naatsorsuutigineqarput Qaasuitsup Kommuniata imartaani ingerlanneqarnissaat.
Ingerlatsinerit tamaasa suliffeqarfissuit (VVM-imik taaneqartartumik), tassa Avatangiisinut Sunniutaasunik Nalilersuummik nassiussisartussaapput aamma Inuiaqatigiittut ilaqutaasussamik Piujuartitsinissamik Nalilersuut, (VBS-imi taaneqartartumik) tusarniutaasussaalluni, taakkulu tusarniutaasimapput ukioq manna 4 marts nassiunneqarlutik.
Innuttaasut, kattuffiit soqutiginnittullu allat oqaaseqaamminnik akissutissaminnillu tusarniummut tunniussisinnaapput sapaatit akunneri tullinnguuttut arfinillit iluanni, suliffeqarfissuarlu marloriarluni innuttaasunik ataatsimiisitsisussaasoq, nittartakkami allaaserineqarpoq.
Innuttaasunik ataatsimiitsitsinerit
Ilulissat, Kulturip illorsuani Sermermiuni, marlunngorneq 15. marts, nalunaaqutaq 18.00-22.00
Aasiaat, Katersortarfik, pingasunngorneq 16. marts, nalunaaqutaq 18.00-22.00
Kommuneqarfiup innuttaasut malinnaatinneqarnissaat isumagissavaa, paasissutissat nittartakkamigut saqqummiuttarnerisigut.
Desuden kan du læse den komplette Vurdering af Virkninger på Miljøet.
Tusarniutaasut teknikkimut attuumassuteqanngitsunik imaqarput.
Aammattaaq Avatangiisinut Sunniutaasunik Nalilersuut tamakkiisoq atuarneqarsinnaavoq.
Tamatuma saniatigut Avatangiisinut Sunniinerup Kingunerisaanik Nalilersuut tamakkiisoq atuarneqarsinnaavoq.
Taakku tamarmik uani atuarneqarsinnaapput:
http://dk.nanoq.gl/Service/Hoeringsportal/Milj%C3%B8vurderinger/2011/Olieefterforskningsboringer%202011.aspx
Tenikkimut attuumassuteqanngitsutut nassuiaasiat pappiaranngortitat Qaasuitsup Kommuniata sullissiviini tamani sullissivittullu allaffiini tusarniaanerup piffissarititaa tamakkerlugu taakkunani pineqarsinnaasut, kommuneqarfiup nittartagaani ilisimatitsissutigineqarpoq, tassani aammattaaq kommuneqarfiup nammineq uuliasiorneq pillugu naqitertitaa innersuussutigineqarpoq.