Prins Joachim Mælkebøttenimut pulaassaaq
Prins Joachim Mælkebøttenimut pulaarniarpoq Den Kongelige Grønlandsfondimi siliuttaasuunini pissutigalugu. Aningaasaateqarfiup Mælkebøtten aningaasaliilluni tapersimavaa.
Prins Joachimip Nuummi Mælkebøtten marlunngorpat nal. 13.30 pulaassavaa Den Kongelige Grønlandsfondimi siulersuisuni ilaasortat ilaat peqatigalugit. Mælkebøttenip siulersuisuisa siulittaasuanit Kalaallit Forsikringimi pisortamit Henrik Sørensenimit aamma Mælkebøttenimi forstanderiusumik Kirsten Ørgaardimit tikilluaqquneqassapput.
Prins Joachim aamma aningaasaateqarfiup siulersuisuini ilaasortat sinneri Mølkebøttenimut tungaviusut aamma ineriartortitsiuarneq pillugit nassuiaanneqassapput, Kirsten Ørgaard tugassiuutitigut nalunaaruteqarluni oqaluttuarpoq.
Tamatumja kingorna Kirsten Ørgaard Mælebøttenip sannaviinut takornariartitsissaaq, taakkunanilu meeqqat prins Joachimimik aamma siulersuisuini ilaasortat sinnerinik ilassinnissinnaapput.
Siulersuisut takusassaraat internetcafé, qalipaalluni, mersorluni, sapangaaralerilluni, legonik sanalluni, pinnguaatinik pinnguarluni sammisaqartitsivik takuniassavaat. Ini angisooq pinnguartarfik aamma nerrivimmi arsaarartarfik kiisalu nipilersortarfik aamma takuniassavaat.
Pulaarnerup 14.30-p tungaanut ingerlanissaa naatsorsuutigineqarpoq.