Mimi Avannaata Qimussersuanut
Qimussertarnerup kulturitoqqamik tammatsaalineqarnissaa aningaasatigut ataavartumik iliuuseqarfigineqarnissaa, issittullu qimmiata immikkut illersugaalernissaa kissaatigineqarpoq
Annonse
Naalakkersuisunut Ilaasortaq Mimi Karlsen ullumikkut Sisimiunukassaaq Avannaata Qimussersuata aallartilernerani peqataajartorluni, Ilaqutaariinnermut, Kultureqarnermut, Ilageeqarnermut Naligiissitaanissamullu pisortaqarfik tusagassiutinut nalunaaruteqarpoq.
Periarfissaq iluatsillugu Naalakkersuisoq Qimussertartut Kattuffiata siulersuisuinik ataatsimeeqateqassaaq.
Qimussertartut Kattuffiata kissaateqarneratigut ataatsimeeqatigiinnermi oqaluuserineqartussat ilagaat, kulturitoqqamik tammatsaaliuilluni ataavartumik Kattuffiup suliniarnerani annertunerusumik aningaasatigut qanoq atugarisaat iliuuseqarfigineqarsinnaanersut, aammalu issittup qimmiata immikkut inatsisitigut illersuugaalernissaata periarfissaqarnera qanoq inissisimanersoq.