Innersuutigineqartut tamanit nuannerineqanngillat

Akileraartarnermut atugarissaarnermullu ataatsimiititaliamut malinnaaniaruit Sermitsiaq atuarsinnaavat

Akileraartarnermut atugarissaarnermullu ataatsimiititaliaq Sermitsiami oqallisigineqarpoq. Assi: Leiff Josefsen

Illuatungiliuttut siuttuata Aleqa Hammondip Siumumeersup innersuussutit tamaasa iluarinngilai. Tamanna Sermitsiamut oqaluttuaraa. Inuutissarsiornermut tunngasut isiginiarpai, aningaasaqarnerup, inuutissarsiornerup kiisalu suliffeqarnerup iluani innersuutinik maqaasilluni. Ataatsimiititaliap innersuussutai arlallit isornartorsiorpai.

Nunatsinni qaffasissumik ilinniagallit siulittaasua Nikoline Ziemer Sermitsiap inuutissarsiornikkut pingaartitaani allappoq, atugarissaarnermut iluarsaaqqinnissat ilinniarluarsimasunik eqquissasut.

Aningaasaqarnermullu naalakkersuisoq Maliina Abelsen innersuuterpassuarnik piviusunngortitsisussaq oqarpoq aalajangigassat nuanniitsut avaqqunneqarsinnaanngitsut.

Uani sapaatip akunnerani Sermitsiami kommuninit, Siumumit, qaffasissumik ilinniarsimasunit Maliina Abelsenimiillu qisuariarnerit atuarneqarsinnaapput, aammalu Sermitsiap pingaarnertut allaaserisaani ernumassutigineqarpoq susoqarnavianngitsoq, aningaasatigummi siuariartorneq namminersorlutik inuutissarsiortuni pisussaavoq, pisortalli ineriartornissaq akimmisaartippaat sipaarnissaq peqqutigalugu.

Siunissat pillugu oqalliseqataarusukkuit aviisi pisiarisinnaavat

Powered by Labrador CMS