TB-mik akiuiniarnermi periutsit nutaat
Tuberkolosip akiorniarnerani aningaasat amerlanerusut atorneqartariaqartut Niels Thomsen isumaqarpoq
Inatsisartunut ilaasortap NIels Thomsenip allatut periuseqarluni tuberkulosemik akiuinianissaq ujartorpaa. Tamanna Sermitsiami isummersuutimini allappaa. Nunarsuaq tamakkerlugu tuberkulosemut ullorititamut marsip 24-anut atatillugu allappoq.
Niels Thomsenip paasisimavaa 2007-miit ukiunut tallimanut pilersaarutitoqaq siunertarisatut kinguneqarsimanngitsoq.
Peqqinnissaqarfimmit kisitsit nutaat tunngavigalugit qularnaatsumik naqissusersinnaavarput ukiuni tallimani atuuttussamik nunatsinni TB-p atugaanerata nunanut kitaamiunut appartinnissaanut pilersaarutit anguneqarsinnaasimanngitsut, isummersuutimini allappoq.
Taamaattumik nunatsinni tubekulosip akiornissaanut nalilersuinissamut 2012-mut utaqqinissaq tunngavissaqanngilaq, Niels Thomsen isumaqarpoq.
Qinnguartaanernut tuniluunnermillu paasiniaanermut amerlanerusunik aningaasaliinissarput eqqarsaatigisariaqarparput, oqarpoq.
Sermitsiaq pisiaralugu isummersuutaa atuarsinnaavat.