Hinnarik aamma Frederik cd-liorput
Martsip naalernerani cd nutaaq Hinnariup aamma Frederiup Danmarkimi immiussaat meeqqanut naatsorsuussaq saqqummissaaq
Annonse
Angajo Lennert Sandgreen, aamma quiasaarisartutut Hinnarittut ilisimaneqartoq, Frederik Elsnerilu Nanook-imeersoq maanna Danmarkimiipput meeqqanut cd-liaq immiullugu.
Immiussaat ilisimaneqarluartuupput, soorlu Piitaq Aasiannguaq, Bamsi sinippoq aamma Anaana kaakkama. Kisianni aamma nutaaqassaaq Frederik K. Elsnerip Jimmy Andersen Danmarkimeersoq peqatigalugu taalliaralugillu erinniaannik.
Hinnarik nipilersoqataavoq qarlortaammik, melodicamik, kazoomik aamma qanersoriamik, Frederik guitarerlunilu erinarsorpoq kiisalu tunuani erinarsornermi peqataalluni.
Nuuteeraliaat martsip naalernerani imaluunniit apriilip aallartilaarnerani saqqummernissaa naatsorsuutaavoq.