Børsenip ussassaarutit ajornartarsiutaanerat allaaseraa
Namminersorlutik Oqartussat usassaarinermut aningaasartuutimik missingersuutaannik appartitsinerisa Kalaallit Nunaanni aviisit annersaat marluk assorsuaq ajornartorsiutippaat. Qeqertap ussassaarutinik tuniniaaffiuneranik tamatumani nunap oqartussaasui naalagaanerminnik atornerluipput, siulersuisuni siulittaasoq Jørgen Ejbøl isumaqarpoq
Ullumikkut Børsenimi Sermitsia.AG-imi siulersuisut siulittaasuat Kalaallit Nunaanni aviisit inissisimanerat pillugu apersorneqarpoq. Allaaserisap ilaa uani atuarneqarsinnaavoq:
»Kalaallit Nunaanni Namminersorlutik Oqartussat aamma nunap kommuniisa tusagassiorfinnut tapiissutitik aamma usassaarinermut aningaasartuutiminnut missingersuutitik annertuumik appartissimavaat, tamannalu Kalaallit Nunaanni aviisit annersaasa marluk pinngitsaalisaallutik ataatsimuulernerannik kinguneqaannarnani, kisianni aammattaaq siunissami qeqertami tusagassiutit qanoq ingerlanissaannik oqarlinnermik kinguneqarpoq. Aviisini marlunni ataatsimuulersimasuni siulersuisut siulittaasuat, Jørgen Ejbøl, uagut maanni allorniusat sanimukartut nalaanni inissisimaffitsinni JP/Politkens Husimi siulersuisutut ilisarisimaneqarnerusoq, namminersorlutik oqartussat iliuuserisaannut puffassimaarpoq.
- Uanga isumaga malillugu tamanna pissaanermik atornerluineruvoq, taamak annertutigisumik appartitsinerat kiisalu taamaaliornermikkut Kalaallit Nunaanni ussassaarinissaminnut pisussaaffimminnik eqqortitsinatik, Jørgen Ejbøl oqarpoq, Sermitsiami 2006-imiilli siulersuisuni ilaasortaasimasoq tusagassiorfiillu taakku marluk kattunneranni siorna siulittaasungortoq.
- Tamanna Kalaallit Nunaanni tusagassiuteqarnermut kingunerlukkaluttualerpoq, Jørgen Ejbøl oqarpoq.«