Palasit annoraarsui 4,5 millionit koruunillit

Palasip annoraarsuanit atisaasa asserneqarnissaat taamaallaat siunertaagaluartoq, taamaattoq palasip annoraarsua minkip amianik kavaajaliatulli akisutigaaq.

19.500 koruunit missaannik akeqarpoq palasi annoraarsuartaassagaangat. Annoraarsua atisanik mersortartumit mersugaavoq sunnguit tamaasa uuttortarlugit sapaatit akunneri arfineq pingasut ilaatigut tikillugit mersorneqartarluni. Ukiut arfineq pingasukkaarlugit palasit annoraarsuartaarsinnaatitaapput. Tamanna ilageeqarnermut siorna 4,5 millionit koruuninik naleqarpoq palasit annoraarsuartaartinneqarnerannut atukkanik, ukiuni siuliini millionit arfinillit tikillugit akeqartarluni.

Taamatut allaaserisaqarpoq Kristeligt Dagblad.

Tamanna akisuallaarujussuarpoq, biskoppit arlallit isumaqarput, taakkulu siunnersuutigaat atisanik mersortartumit uuttortaqqissaarlugu mersugaasarnera atorunnaarsillugu taarsiullugulu angissutsit assigiinngitsut arlalinnguanngorlugu ajornaannerusumik mersukkamik peqalernissaa siunnersuutigalugu.