Saarulleqassusia Siumup paasiniaqquaa
Siumut sinnerlugu Inatsisartunut ilaasortap Karl Lyberthip saarulliit amerlassusii naalaakkersuisunut eqqarsaatigeqquaa
Taamaammat naalakkersuisunut marloqiusamik makku apeqqutigai:
- Sinerissami saarulleqarfinni saarulliit amerlassusii pillugit misissuinissaq Pinngortitaleriffiup pilersaarutigaa, imaluunniit Pinngortitaleriffiup misissuinissaa naalakkersuisut piumasaqaatiginiarpaat?
- Ukiuni kingullerni amerlasuuni, soorlu ukioq mannatut, saarullinniartoqassanngitsoq biologit inassutigisarpaat. Saarulleqarpallaannginnera peqqutigisarpaat. Illuatungaatigut aalisartut inuussutissarsiutiginagulu aalisartartut oqaatigaat, sineria saarullinnik angisuunik ulikkaartoq, Saarulleqannginnerarlugulu biologit sooq taama oqartarnersut eqqumiigalugu, Karl Lyberth tunngavilersuuteqarpoq.
- Aalisartut atuisartullu allat oqaasii soqutiginngitsuusaarneqarsinnaanngimmata isumaqarpunga saarulleqassusianik misissuinissaq piffissanngortoq,
- Aalisartut eqqarsaatigiinnarnagit, aammali aalisakkerivinni sulisartorpassuit eqqarsaatigalugit uggornassaaq saarulliit atorluarsinnaanngikkutsigit, saarulleqassusiata ilisimatuussutsikkut uppernarsarneqarsinnaannginnera peqqutigalugu. Taamaammat "kisitsisoqarnissaa" kissaatigineqarpoq, qaqugulu taanna pissarnersoq paaserusuppara, Karl Lyberth erseqqissaavoq.
Pinngortitaleriffik Namminersorlutik Oqartussat pinngortitalerinermi ilisimatusarfigaa.