Great Greenlandip ammit akisuallaartikkai
Puisit amii akisuallaarput, pitsaassusiilu ajorpallaarlutik. Mersortartut taama isorinnipput.
Annonse
Nunani allani akitsorterussinerni puisit amii akikinnaarujussuarlugit tunisariaqarlugit mersortartut eqqumiigaat ameq ataaseq marloriaataa sinnerlugu akiliisaramik, Taama allappoq knr.gl.
Great Greenland nunani allani akitsorterussinerni puisit amii 700-t tuneqqammerpai agguaqatigiissillugu 275 kronilertillugit. Qeqertarsuarmeersoq Ane Dahl akit eqqumiigalugit radioaviisimut oqarpoq:
- Nunani allani akitsorterussinerni ameq ataaseq 275 kroniliinnarlugu pisiarisinnaappatigit, sooq kalaallit atuisartut ameq ataaseq 400 imaluunniit 500 kronilerlugu pisiarisinnaanngilaat, taakkuluunniit ataatilaalugit. Atuisartut kalaallit 275 kronit unammillersinnaalluarpaat, Ane Dahl oqarpoq.