Napparsimmavissuarmi qarasaasiat ajortittut

Dronning Ingridip Napparsimmavissuarnik it-kut atortut ilaat sisamanngornermup ullaavata tungaani ajutoorput. Suna peqqutaasimanersoq suli ilisimaneqanngilaq, nakorsiartunulli puullaaqititsisimavoq.

Ullumikkut nakorsamut attaveqarniartut taamaatiinnartariaqarsimapput. Ippassaq napparsimmaviliartut, assersuutigalugu akiuussutissamik kapitinniartut akunnerit arlallit utaqqigaluarsinnarlutik passunneqaratik angerlaannartariaqarsimapput. Ilaat akunnerit sisamat angullugit. It-kut atortut ilaat ajoqusersimammata, assersuutigalugu peqqissaasut takusinnaasimanngilaat inuit sunik passunneqassanersut, nakorsat allattugaat takusinnaanagit imaluunniit eqqortumik akiuussusiisinnaanatik.