Hashimik takutitsineq siulleq Aarhusimi ingerlanneqassaaq
Pilersaarutigineqarpoq aasaru Aarhusimi hashimik takutitsinersuaqarnissaa. Tamanna chefpolitiinspektørip taavaa "ileqqorissutsikkut assuarnartutut".
Jyllandip kanginia politiit hashimik kimittuumik arsaarinnittarnerat annertusiartuleruttortoq pilersaarutigineqarpoq Aarhusimi nunanit tamalaaneersunik hashimik takutitsisoqassasoq. Taamaassapput Danbmarkimi taamaattut siullersarissavaat, Århus Stiftstidende allappoq.
Sapaatip akunnerata naanerani juunip 24-iannit 26-iannut qallunaat nunallu allamiut illoqarfimmut qungutsoriffimmut qaaqquneqarput hashimik, skunkimik ikiaroorniutinillu allanik unioqqutitsilluni sananissamut atortussanik inerteqqutaanangitsunik takuniaaqqullugit.
Assersuutigalugu naatitsinissamut naggorissaatit, qulliit kiassaatit, naatitseriaatsit pujortaatillu.
Hashi tunisassiallu allat cannabisinit pisut naatinnissaat niuerutiginissaallu inerteqqutaavoq. Hashimilli tunisassiornissamut atortussat takutitsinermi saqqummersinneqartut tuniniarneqartullu tamarmik immikkut inerteqqutaanngillat.
Østjyllandsip Politini chefpolitiinspektørip Bent Preben Nielsenip aaqqissuussineq eqqarsarnartoqartippaa.
- Nioqqutissat ataasiakkaarlugit inerteqqutaanngikkaluarput. Tamatumali kingunerisinnaavaa hashinik skunkinillu laboratoriat, pinerlunniat aningaasarsiutigisartagaat matoortagarpassuagullu, amerleriarnerat. Qanorluunniit ikkaluarpat tamanna ileqqorissutsikkut assuarnartoqarpoq chefpolitiinspektør Århus Stiftstidende-mut oqarpoq.