Nammineq oqaatsit ulluat malunnartinneqassaaq
Nuummi oqaasileriffimmi oqalugiartoqarlunilu aliikkusersuisoqassaaq
Februaarip 21-iat, UNESCO-p nunani tamalaani nammineq oqaatsinut ullorititaa unnugu Oqaasileriffiup Nuummi Ilimmarfimmi malunnartissavaa oqalugiarnermik aliikkusersuinermillu.
Oqalugiartuussapput Katti Frederiksen, Lisathe M. Kruse, Beatrine Heilmann aamma Per Langgaard, NAIP-lu aliikkusersuissaaq.
Ukioq manna sammineqarput "Oqaatsit oqaatsillu assigiinngisitaassusiisa illersornissaannut siuarsarnissaannullu paasissutissiinermut attaveqarnermullu teknologiit".
Unnugu pisussat
Oqaasileriffik, Ilimmarfimmi nal. 19.00 – 21.00
19.00 Tikilluaqqusineq – Oqaasileriffik
19.05 UNESCO´p Generaldirektøriata ullormut tunngatillugu nalunaarutaa
19.10 Katti Frederiksen – Kalaallisut ordbogit elektroniskiusut
19.20 Aliikkusersuineq (NAIP Erinarsortartui)
19.30 Lisathe M. Kruse – Nunat aqqinik elektroniskimik nalunaarsuineq
19.40 Aliikkusersuineq (NAIP qitittartui )
20.00 Unikkallarneq
20.10 Beatrine Heilmann – Oqaaserpassualeriffik (nittartagaq qarasaasiaq atorlugu oqaasilerissutinik imaqartoq)
20.20 Aliikkusersuineq (NAIP go gortartua, tukkaartartuilu)
20.30 Per Langgård – Oqaaserpassualerineq (qarasaasiaq atorlugu oqaasilerineq – Sprogteknologi)
20.40 Aliikkusersuineq ( NAIP uvaajeertartui erinarsortartuilu)
21.00 Unnuk naavoq