Storm soraarummiilerpoq
Storm Ludvigsenip, Inuit Ataqatigiinni aamma Inatsisartuni ilaasortaq, alkologitut ilinniarnermini suliassani tunukkallarsimavai. Aprilimi alkologitut soraarummiissaaq
Annonse
Siornatigut imerajuttuusimavoq ullumikkullu silattorsimalluni. Nuummiut amerlanerit Storm Ludvigsen ilisarisimavaat taamanikkut illoqarfimmi aalakoorajuttuugallarmat. Nalunnginneqarporli taamaakkunnaarsimammat, soraarummeerutissanilu alkologitut ilinniakkamini tunniuteqqammerlugu.
- Silattorpunga 2003-mi, katippungalu 2007-mi, politikkimut iserpunga 2009-mi ukiorlu tassani aamma katsorsaatutut ilinniarnissamut akuerisaallunga. Artornarsimaqaaq, kisianni isumalluarnaqaaq, Storm Ludvigsen AG-mi apersorneqarami taama oqarpoq.
Politikeri, inuit imerajuttut ikiorusullugit piareeqqasoq, pillugu atuaqqissinnaavat uani sapaatit akunneranni saqqummersumi AG’p pisiarineratigut.