Oqimaappallaartut amerlavallaarput

Oqimaappallaartut amerlavallaanerisa kingunerissavaa Peqqinnissaqarfiup siunissami annertunerusumik tatineqarnera, Niels Thomsen isuamqarpoq

Niels Thomsen: - Nererisarisartakkat allanngorsimanerata pualavallaartullu amerlassusiat imminnut attuumassuteqarluinnarput. Assiliisoq: Leiff Josefsen

Kalaaliminertunngippallaaqaagut aamma timigissarnerput annikippallaaqqaaq, taamaattumik demokraatit sinnerlugit Inatsisartunut ilaasortaq Niels Thomsenip maannakkut paaserusuppaa, tamanna ajornartorsiut Naalakkersuisut qanoq iliuuseqarfiginiarneraat.

Nalunaarusiap Kalaallit Nunaanni Innuttaasunik Misissuititsinerup 2005 - 2009 ajoraluartumik uppernarsarpaa, maani nunami pulavallaartut amerlavallaartut, tikkuaavoq.

Nalunaarusiami ersersinneqarpoq arnat 57 procentii angutillu 25 procentii pualavallaarujussuartut. Kisitsisit tamarmik Nunarsuaq tamakkerlugu peqqinnissaq pillugu kattuffissuup WHO-p killiliussaanut naleqqersuussaapput, Niels Thomsen ilisimatitsivoq.

Taamaattumik maannakkut apeqquteqaatigaa, Naalakkersuisut suliniutit suut aallartissallugit eqqarsaatigineraat innuttaasut avataanit tikisitanik orsukkaajusunik sukkukkaajusunillu neriunnaamisillugit kalaaliminernik nerinerulersikkumallugit.

Tamatumalu saniatigut paaserusuppaa Naalakkersuisut suliniutit suut aallartissallugit eqqarsaatigineraat innuttaasut timigissarnerulersikkumallugit allatulluunniit ulluinnarni aalanerulersikkumallugit.

- Pualavallaartut amerlanerujussuisa kingunerissavaa siunissami Peqqinnissaqarfimmut annertunerusumik tatisineq nappaatit pualavallaarnermit pissuteqartut soorlu uummatikkut taqqatigullu nappaateqarneq, kræfti, sukkorneq type 2, aap taqqanut naqitsinerata qaffasinnera aamma kolesterolip naqitsinera qaffasippallaartoq, Niels Thomsen allappoq.

Isumaqarpoq pingaarluinnatuusoq inuiaqatigiittut maannangaaq iliuuseqarnissaq paasiniassagipput qanoq pualavallaarnermut ajornartorsiutit annertusiartuinnartut pinaveersimatissinnaanerlugit, tamatumani eqqarsaatigalugit nerisat aalanerlu pingaaruteqarluinnartuusut.

Befolkningsundersøgelsen i Grønland 2005-2009 viser, at der i forhold til 1993 er flere, der indtager importerede fødevarer mindst en gang om ugen, mens der er færre, der spiser traditionelle grønlandske fødevarer mindst en gang om ugen.

Kalaallit Nunaanni Innuttaasunik 2005-2009-mut misisuisitsinerup takutippaa, 1993-mut sanilliullugu sapaatip akunneranut minnerpaamik ataaseriarluni nerisassanik avataaniit eqqussanik nerisartut amerlanerusut, ikinnerusullu kalaaliminernik minnerpaamik sapaatip akunneranut ataasiarlutik nerisartut.

- Nererisarisartakkat allanngorsimanerata pualavallaartullu amerlassusiat imminnut attuumassuteqarluinnarput. Taamaattumik kalaaliminernik nerinerunissaq eqqumaffigineqarnerusariaqarpoq, Niels Thomsen tikkuaavoq.

Taammatuttaaq Kalaallit Nunaanni Innuttaasunik 2005-2009-mut misisuisitsinerup takutippaat, inuiaqatigiit akornanni timip aalatittarnera 1993-mit annikillisimasoq. Tamanna ilaatigut peqquteqarpoq ataatsimut isigalugu aalaffiunngitsunik suliffeqarnerput.

- Taamaattumik pingaaruteqartoq timigissarnerulernissaq allatigulluunniit sunngiffimmi aalanerulernissaq eqqumaffigineqarnerusariaqartoq, erseqqissaavoq.

Powered by Labrador CMS