Ilaqutariit assingi internetikkut tuniniarneqarput

Anna Marie Andersenip Tuluit Nunaanni najugallip, Winchester School of Art-imi eqqumiitsuliornermik ilinniagaqarnermini suliassani annertooq kingulleq suliarileruttorpaa. Taanna Danmarkimi innunngorlunilu peroriartorsimavoq, kalaallimik anaanaqarluni qallunaamillu ataataqarluni.

Eqqumiitsuliornermik ilinniagaqarnermini suliassamini kingullermi kalaallisut kinaassutsini sorlanilu samminiarsimavai, tamatumunngalu atatillugu Københavnimi Arktisk Institutimi asserpassuarnik eriaginartunik nassaarsimavoq.

Anna Marie Andersenip Sermitsiami apersorneqarnermini apeqquserpaa Arktisk Institutip assinik internetikkut tuniniaanera, ilaatigut assit meeqqat inuusuttuaqqallu mattaangasut tuniniakkanut ilaammata. Allaaserisaq atuaruk aviisi pisiniarfinni pisiaralugu imaluunniit ataani e-aviisi pisiaralugu.