Inatsisitigut ataataqanngitsut pillugit TV-kkut aallakaatitassiaq
TV-lioqatigiit inunnik pissarsiorput inatsit pillugu oqaluttuarsinnaasunik, tamanna tunngavigalugu naligiissitaanngitsumik inuuneqalersimanerat pillugu
TV-kkut aallakaatitassiortartoqatigiit SAND TV maanna piareersarput piviusut tunngavigalugit Kalaallit Nunaanni inatsisitigut ataataqanngitsut pillugit DR 1-kkut aallakaatinneqartussaq pillugu. Taamaattumik aallakaatitassiornermi tusagassiortoq, Eva Bejder, tassani peqataasussanik pissarsiorpoq, meeqqanik kalaallimik anaanalinnik danskimillu ataatalinnik, meeraanerminnik TV-kkut oqaluttuarusuttunik.
- Inuit ataatartik ilisarisimanagu peroriartortunik pissarserusunneruvugut, Danmarkimi ilaquttaminnik ujaaserusuttunik naapitserusuttunillu. Danskisut oqaluttunik pissarserusunneruvugut, Eva Bejder oqarpoq.
SAND TV aallakaatitassiorpoq kingusinnerusukkut DR 1-kkut aallakaatinneqartussamik. Peqataasussat pissarsiarineqareerpata immiussineq aallartissaaq. Kalaallit Nunaanni Danmarkimilu upernaaq manna aamma aasaru immiussisoqassaaq.
Soqutiginnittut Eva Bejder saaffigisinnaavaat uunga mailerlutik: eva.bejder@gmail.com