Tunngavissaq aappat
Schweisermioq isiginnaagassianik ilitsersuisartoq tusaamasa nutaamik isiginnaagasioriartorluni Nunatsinnut tikissaaq, isiginnaagassiami pineqarpoq nunaviup aamma sikup saattup akornanni timikkut tarnikkullu inissisimaneq
Katuami upernaamut 2011-mi kulturikkut suleqatigiinneq naliginnaanngitsoq pissaaq, tassa Kulturikkut illorsuup europameersut kulturikkut sullissiviit arlallit peqatigalugit isiginnaartitsineq nipilersukkanik tunngavilik Kalaallit Nunarput aallaavigalugu pilersissammassuk.
Isiginnaagassiaq taanna taaguuserneqarsimavoq ±0 taannalu piviusunngortinneqarsimalluni Christoph Marthalerimit Schweitzimeersumit.
±0 – plus minus nul – ataavartut puttalasullu akornanni ikaarsaarneruvoq, nunap sikullu saatsup akornanni. Sumiiffiit allat ikittuinnaat, Kalaallit Nunaat eqqaassanngikkaanni, tassani inissisimanermi misilittagaqarput. Nunap pissusaa sakkortusinnaasartut aammattaarlu inunnit allanit avinngarusimaneq ulluinnarsiutaalluni aammattaarlu silaannaap qanoq issusia tassa plus aamma minus aalajagiisuusinnaasarluni inuunermik imaluunniit toqumik. Qanoq ililluta sungiussissaagut tunngavissarput aappat?
Sumi tunngavigisassat nassaarissaarineqassappat politikkikkut nunarsuarpullu allanngorartillugu?
Isiginnaagassiortoq Christoph Marthaler upernaami nunatsinnut tikissaaq nammineerluni misigissuseq ±0 nammineq misiginiarlugu. Peqatigissallugit Anna Viebrock tunuliaqusiortoq, nammineq isiginnaartitsisartuni aammattaarlu isiginnaartitsisartut eqqumiitsuliortullu Kalaallit Nunaanneersut, tassani peqataassallutik Nukaaka Coster-Waldau aamma Kassaaluk Qaavigaq, isiginnaartitsissummik nutaarluinnarmik pilersitsissaaq Kalaallit Nunaanni oqaluttuatoqqat ileqqutoqqallu naapinnerannut tunuliaqutaallutik inuunermi misilittakkat siunissamullu takorluukkat kulturikkut illorsuarnit Europameersunit.
Isiginnaagassiaq takuteqqaarneqassaaq apriilip 27-iani nal. 19.00.
Isiginnaagassiaq aaqqissuunneqassaaq Katuami ukunannga: Unlimited Performing Arts suleqatigissallugit Volksbühne am Rosa Luxemburg Platz, Festspillene i Bergen, Wiener Festwochen, Det Kongelige Teater, København, Stockholms Stadsteater, Théàtre de la Ville, Paris il. Il.
Tapersersuisoralugit: Kulturkontakt Nord, Nordisk Kulturfond, Air Greenland, Royal Arctic Line, Namminersorlutik Oqartussat & Katuaq.