Kent Kielsen Hollandimut paasisassarsiorpoq
Piffissami sapaamit 27. februaarimit sapaamut 6. marsimut 2001 GBUp inuusuttunik nunanut allanut unammisartunik sungiusaasua Kent Kielsen Qaqortumeersoq DBUp Hollandimut paasisassarsiorluni angalaneranut peqataavoq
Kent Kielsen, GBUp inuusuttunik nunanut allanut unammisartunik sungiusaasua Qaqortumeersoq, DBUp sungiusaasunut pikkorissartitsisarnerani A-mi pikkorissarluni peqataavoq. Tamatumunnga atatillugu pikkorissaqataasut sapaatit akunnerat ataaseq paasisassarsiorlutik angalanermut peqataasussaapput, tamatumani nunarsuaq tamakkerlugu arsaattartut qanoq ineriartornerannik paasisanik nutaanik pissarsitinneqartussaallutik, GBUp siulittaasua Lars Lundblad tusagassiuutitigut nalunaaruteqarluni ilisimatitsivoq.
Ukioq manna paasisassarsiorluni angalanermi Hollandimukartoqarpoq Kent Kielsenip pikkorissaqatigisanilu ligami assartartut HGroningen tikeraarpaa, tamaani sapaatit akunnerata ingerlanerani arsartartut pikkorinnerit sungisarnerat aammattaaq inuusuttut assigiinngitsut kiisalu taaraasussamaatit sungiusarneri malinnaaffigalugit.
Tamatuma saniatigut arsaqatigiittartut assigiinngitsut sungiusaasui ataatsimeeqatigaat. Tassani sungiusaasartut oqaluttuaraat qanoq sungiusartarnerlutik, aammattaaq arsartartoqatigiit qanoq arsartarnissaasa aaqqissuuneqarnernissaanut tunngatillugu qanoq eqqarsaateqarnerlutik il.il..
Paasisassarsiornerup saapaatit akunnerata ingerlanerani sukumiisumik ilinniartitaaneq ingerlanneqarpoq, tassani pikkorissartut ilitsersorneqarput aamma sungiusarneqarlutik unamminernik aamma arsartartunik ataasiakkaanik nalilersueqqissaarnissamik. Tamatumunnga atatillugu pikkorissaqataasut 1. ligami unamminerit marluk isiginnaarpaat Feyenoord - FC Groningen akornanni aamma FC Groningen - Herackles akornanni unamminerit. Unammineq ataaseq arsartartut taartaasussamaatit liga-nni FC Groningen - Ajax akornanni. Unammineq ataaseq U19-init liga-nni FC Groningen - Vitesse akornanni, kiisalu U17-it unamminerat FC Groningen - iligiillu toqqakkat akornnanni.
Tamakku saniatigut pikkorissartut namminneq unammisartuminnut arsariaaseq aamma sungiusariaaseq piareersartussaavaat.
Sapaatit akunnerata ingerlanerani pikkorissartut ilitsersuisortik DBU-meersoq qanimut oqaloqatigisarpaat ilitsersorneqarlutik suliakkiussanut suliarisimallugit tunniussimasaminnut assigiinngitsunut atatillugu, Lars Lundblad ilisimatitsivoq.