'Nappaat qaqortoq' aatsaat taama atugaatigaaq

2010-mi TB-tut nutaat 114-it paasineqarpoq - tassalu ukiuni 30-ni aatsaat taama amerlatigalutik.

2010-mi tassaalerpoq ukioq TB-mik nappaateqartoqarnerpaaq. Tamanna peqqinnissaqarfiup naatsorsuutaani nutaani takuneqarsinnaavoq.

Nunatsinni illoqarfinni tamangajanni TB-tunik nassaartoqarpoq, Tunumiulli eqqugaannerpaapput. Pisortaniit sakkortuumik kajumissaarutigineqarpoq nakorsamut saaffiginninnissaq sapaatip akunneri pingasut sinnerlugit quersornermik atugaqaraanni, oqililluni unnuamilu kiagoruloortarluni. Ilaquttat peqatigisartakkallu aamma taamatut, tunillatsinnissaq annikillisarniarlugu.

Ullumikkut nunatsinni TB-mut periusissat 2007-miit 2012-mut atuuttut ilaatigut innuttaasunut peqqinnissaqarfimmilu sulisunut paasisitsiniaanermik imaqarput, meeqqat atuartut misissorneqartarlutik ukiorlu allortarlugu nunatta kujataani innuttaasut seqersittarlutik.

Powered by Labrador CMS