Suli utaqqivugut
Suli avammut nalunaarutigineqanngilaq nunatsinni eqqamiitsulianik katersugaasivissamut illussanik titartaasartunik unammisitsinermi kina ajugaasimanersoq.
Qanittukkut oqaatigisinnaalissasavarput nunatsinni eqqamiitsulianik katersugaasivissamut Nuummi Tuapannguup isuaniittussamut illussanik titartaasartunik unammisitsinermi kina ajugaasimanersoq.
Taama oqarpoq Josef Motzfeldt tallimanngormat sanaartorfissami persersumi tusagassiuutinik katersortitsinermini.
Oqaatigaa soorunami nunatsinni eqqumiitsulianik katersugaasivissaq tassaassasoq nunatsinni eqqumiitsuliortorpassuit suliaminnik saqqummersitsivigisinnaasaat.
- Saqqummersitsivissaannik amigaateqarpugut, oqarpoq.
Josef Motzfeldtip aamma erseqqissarpaa nunatta sinnerani eqqumiitsuliamik katersugaasiviup saqqummersitaannik malinnaasoqarsinnaassasoq KNR tusagassiuutillu digitaliusut aqqutigalugit.
Pilersaarutaavoq Issittumit tamarmit eqqumiitsuliat saqqummersinneqarsinnaassasut.
Illussanik titartaasarfiit arfinillit nunanit avannarlerneersut nunatsinneersullu illussanik titartaanissamut unammisitsinermi peqataapput. Tallimat peqataapput ajugaasorlu nassaarineqarpoq. Kinaanersoq nunatsinni eqqumiitsulianik katersugaasivissamut siulersuisut ataatsimiineranni saqqummiunneqassaaq, tassanilu Josef Motzfeldt siulittaasuuvoq.