Ilinniartut najugaqarfiat ullumi atoqqaartinneqarpoq
Ilinniartut siulliit sapaatip akunnerani tullermi isertissapput, ilinniartut najugaqarfiinni pisortaaneq Salome L. Petersen oqarpoq
Ilinniartunut sinerissamiit illoqarfiit pingaarnersaanukartunut namminersorlutik oqartussat najugaqarfik nutaaq Nuummi pilersippaat. Ilinniartunut najugaqarfimmi kusanartumik 2.000 kvadratmeteringajaasumik nuannaarluni tunisisuuvoq ilinniartitaanermut naalakkersuisoq Mimi Karlsen.
Najugaqarfik 42-nik inissaqarpoq taakkunannga tallimat innarluutilinnut naleqqussagaallutik. Tassaavoq najugaqarfik innarluutilinnut inissaqarfik siulleq. Taamaattumik innarluutillit allani ilinniartut aamma tassunga qinnuteqarsinnaapput, najugaqarfinni pisortaaneq Salome L. Petersen oqarpoq.
Najugaqarfik aamma inuusuttunut 21-nut inissaqarluni inersimasunullu 16-inut aaqqissuunneqarsimavoq. Ineeqqat tamarmik angillutillu namminerisaminnik uffarfeqarput, inersimasunullu naatsorsuussami igaffeerannguaqarlutik. Aamma errorsisarfeqarpoq ataatsimoorussamik igaffeqarlutik isersimaartarfeqarlunilu kusanartumik.
Mimi Karlsen oqalugiarnermini oqarpoq naalakkersuisut politikkerigaat ilinniartut najugaqarfiisa qulakkeernissaat inuusuttut ilinniarsinnaaniassammata.
– Inuusuttut tamarmik ilinniarsimanissaat atorfissaqartipparput, erseqqissaavoq.
– Inuusuttut sinerissameersut iliniariarsinnaanngillat inissaqannginnamik. Najugaqarfinnik amigaateqarneq akimmisaarfiuvoq peertariaqaqarput. Taamaattumik najugaqarfik una atorfissaqartipparput, oqarpoq.
Najugaqarfiit tulliuttut februaariinnartoq atuutilissasut naalakkersuisut naatsorsuutigaat, taannalu Kujallerpaaniippoq. Tassaniipput najugaqarfiit 66-it namminersortunit sanaartorneqartoq Naalakkersuisunillu pisiarineqartut.
Ilinniartunut angerlarsimaffik 42 million koruuninik naleqarpoq.
Atconimit tamakkiisumik suliarineqarpoq.
Masanti titartaasuuvoq. Carl Bro ingeniøriulluni. Spangenberg aamma Madsen Grønland qullilerisuullutik.