Ammiortoq nutaaq
Hanne Johansen atisaliortartutut ilinniarluni naammassivoq Qaqortumi Ammerivimmi ammiortutut immikkut ilinniarsimalluni.
Tallimanngormat Qaqortumi Ammerivimmi nalliuttorsiortoqarpoq.
Suliffeqarfiup ilinniartuni Hanne Johansen atisaliortartutut naammassisoq ammiornermik immikkut ilinniarsimasoq Great Greenland A/S-mit malunnartinneqarpoq.
Ammeriviup Great Greenlandip pingaartutut isigaa nunatsinni ilinniarfissanik pilersitseqataanissaq, pimoorullugulu ingerlallugu, pisortaq Henrik Estrup oqarpoq.
Great Greenland maannakkorpiaq allaffimmiunngornianik marlunnik ilinniartoqarpoq atisaliortunngorniamillu ataatsimik, tasammalu suliffeqarfimmut 35-nik sulisoqartumut tulluarpoq.
Ammerivimmi sulisunik ilinniartitsineq suliffeqarfiup iluni ilinniartitsinikkut ingerlanneqartarpoq.