Naalakkersuisooqatigiit Qaasuitsup Kommuniani nukittunerusumik inissisimalerput

Naalakkersuisooqatigiit kommunalbestyrelseni amerlanerussuteqalerput Siumullu kisimiilersimavoq

Qaasuitsup Kommuniani partiit naalakkersuisuutitaqartut Inuit Ataqatigiit, Kattusseqatigiit Partiiat, Atassutaamma Demokraatit grupperujussuarmi siulittaasoq tullialu toqqarpaat.

Partiit sisamaasut kattullutik siulittaasorilerpat Ane Lone Bagger Demokraatineersoq. Taama Ilulissani suleqatigit tallimanngormat tusagassiuutitigut nalunaarput.

Siulittaasup tullerilerpaa Edvard I. Kristiansen Inuit Ataqatigiinneersoq.

Aamma naalakkersuinikkut oqaaseqartartussat toqqarneqarput makkuuppullu: 1.viceborgmester Timooq Mølgaard, Atassut, aamma 2.viceborgmester Bendt B. Kristiansen, Inuit Ataqatigiit.

Partiit suleqatigiit tassaapput IA,A,KP & D inissat 11-it tigummillugit kommunalbestyrelsemi 21-nik ilaasortaqartumi.

Inuit Ataqatigiit tallimanik ilaasortaatitaqarput

Atassut pingasunik

Kattusseqatigiit marlunnik

Demokraatit ataatsimik

- Taamaattumik suleqatigiit aalajangiisarput, grupperujussuarmi siulittaasoq nutaaq Ane Lone Bagger oqarpoq nangillunilu:

- Sulieqatigiit piumasaat borgmesterip sulissutigisussaavaa.

Kommunit aqunneqanerannut inatsit naapertorlugu qinigaaffiup ingerlanerani borgmesteri maannaannakkut uppitinneqarsinnaanngilaq.

Taamaattumik Siumumiit Jess Svanep suleqatigiit politikkiat ingerlattussaavaa.

Nutaamik inissitsiterneq aamma ataatsimiititalianut ataavartunut sunniuteqarpoq. suleqatigiit amerlanerussuteqalerlutik sisamanngormallu siulittaasortaarlutik. Soorunami aningaasaqarnermut ataatsimiititaliami borgmesteri siulittaasuusussaavoq. Suleqatigiilli amerlanerussuteqarput, tamannalu Jess Svanep naammagisariaqarpaa, suleqatigiit siulittaasuat oqarpoq.

Ane Lone Bagger siger: - Aningaasaqarnermut ataatsimiititaliami ataatsimiititalianilu ataavartuni tamani amerlanerussuteqarpugut.

Kikkut siulittaasunngornermut kommunip nittartagaani takuniarneqarsinnaasoq oqaatigaa.

Qaasuitsup Kommuniaani ataatsimiisitaliat ataavartut sisamanngormat inissitsiterput nutaanik siulittaasortaarlutik.

Siulittaasut nutaat nakkuupput:

Aningaasaqarnermut ataatsimiititaliaq: Jess Svane (S)

Isumaginninnermut ilaqutariinnullu ataatsimiititaliaq: Naja Petersen (A)

Aalisarnermut piniarnermullu ataatsimiititaliaq: Edvard Kristiansen (IA)

Kultureqarnermut, ilinniartitaanermut sunngiffimmullu ataatsimiititaliaq: Ole Zeeb (KP)

Sanaartornermut, avatangiisinut attaveqarnermullu ataatsimiititaliaq: Bendt B. Kristiansen (IA)

Inuutissarsiornermut, aatsitassanut takornariaqarnermullu ataatsimiititaliaq: Peter Olsen (IA)

Powered by Labrador CMS