Palle: Nuuk CO2-qassanngilaq
Aningaasaqarnermut Naalakkersuisup illoqarfiit pingaarnersaat inuit piliaannik nunarsuup kissatsikkiartorneranut ilanngussaqanngilluinnarnissaa kissaatigaa
Nunat avannarliit piujuaannartitsineq pillugu isimasioqatigiisitsinissaat sioqqullugu Palle Christiansenip anguniarpaa, Nuuk tassaassaoq nunarsuaq tamakkerlugu illoqarfinnit pingaarnersaasunit siullerpaajulluni CO2-mik aniatitsiffiunnginnissaa, kiisalu og at nordiske klimaløsninger skal sælges til Kina. (nuts. nunat avannarliit klimamut tunngatillugu ingerlatsinerat Kinamut tuniniarneqassasut).
- Suliffiussuaqarnermi ineriartortitsineq nunami Kalaallit Nunaattut ittumi unammilligassat annertuujupput, erngup nukinganik nukissiorfinnut aningaasaliineq tassavoq piujuaannartitsineq tunngavigalugu ineriartortitsinissamut aqqutissaq. Uagullu anguniarniarparput Nuup nunarsuarmi siiullerpaatut illoqarfiit pingaarnersaattut siullersaalluni CO2-mik aniatitsiffiujunnaarnissaata piffissap sivisuallaanngitsup ingerlanerani piviusunngornissaa. Kisianni atugarissaarneq atuutsiinnarniarlugu annertusiartortitsisariaqarpugut, Palle Christiansen aalajangersimarpalulluni oqarpoq.