Shell aamma BP-p Issittumi pilersaarutitik unitsippaat
BfP aamma Shell imminnut attuumassuteqanngitsumik nalunaarput Kalaallit Nunaata eqqaani qillerinissatik kinguartikkitik. BP-p allaat qillerinissamik pilersaarutini "2013" kingornamut kinguartippai.
Greenpeacep quppernerani nittartakkami atuarneqarsinnaavoq BP-p aamma Shell-ip Issittumi qillerinissatik kinguartikkaat, Greenpeacelu malillugu tamatumunnga pissutaavoq Mexicop Kangerliumanersuani uuliamik ajunaarnersuup kingorna politikkikkut isummat nikissimanerat.
- USA-mi ineriartorneq nutaarsiassaq nuannersorujussuuvoq neriuppungalu USA-mit politikikkut nikinneq Ruslandimut Kalaallit Nunaannullu siaruaatissasoq. Sapaatit akunnerisa marluk matuma siornatigut paasinarsivoq BP issittup imartaani Ruslandip avannaani Karahavet-imi 2016-imiit qillerilerniartoq, Shellilu suli Kalaallit Nunaata eqqaani uuliamik ujaasivoq, selskabi qillerinissanik piviusunik pilersaaruteqanngikkaluartoq, Greenpeace allappoq.
- Piffissanngorpoq politikerit uuliasiormut akerlilersuilernissaat, aningaasat pinnagit silatuumik eqqarsarlutik. Uulia nukissaavoq qernertoq silap pissusianik ajoqusiisoq, uuliamik qillerinerit imaani uumassusilinnut erloqiartumik ulorianartorsiortitsipput nutaamillu uuliamik qillerinissat pisariaqanngilluinnarput.