Qaqorsaammik tupilaliat
Sap. akunnerini 7-mi aamma 8-mi danskit nunatsinni ilisimasassarsiortarneranniit, kalaallit oqaluttuaataanneersut anersaallu silarsuaannit oqaluttuat "ukuap" Ingrid Dalip oqaluttuarissavai. Tamanna pissaaq Den Gamle By-mi Aarhusimi.
Danmark tamaat aalassaatigineqarpoq ujaasisiartortut Danmark-ekspeditionenimi peqataasut danskit pingasut ilisimatusartut martsimi 1908-mi Kalaallit Nunaata avannamut kangiani Lambertlandimi toqungasut nassaarigamikkik.
Aqqutissaraluaminnit illusissukkut ingerlasimallutik qimmiutitillu qimuttutik toqullugit nerisimallugit angutit taakku pingasut qasullutik nukillaarlutik toqusimapput.
Ludvig Mylius-Erichsenip Danmarkip ilaani ungaseqisumi ilisimasassarsiornera sooq taamatut ajortumik kinguneqarnera Aarhusimi Den Gamle By-mi Havbogademi ukiuunerani tusarneqarsinnaavoq.
- Kalaallit oqaluttuaataat uagut sungiusimasatsinnit peqqarniinnerupput. Oqaluttuaat arlalippassuit kaannermik aamma pissutsinik peqqarniitsunik ilaqarput, 1900-kkut aallartilaarneranni Kalaallit Nunaanni inuuniarnermi atugarineqartut. Kisianni soorunami uanga oqaluttuat assigiinngitsut oqaluttuarisarpakka, apeqqutaalluni kikkut alakkaanersut, isiginnaartitsisartoq Ingrid Dal katersugaasivimmeersoq oqaluttuarpoq.
Tupilaat qaqorsaammik sanaat
Renæssancegårdenimi meeqqat qaqorsaammik tupilannik killuisinnaapput kalaallillu pinnguaannik immikkut ittunik - ayagakkinik - sanasinnaallutik aammalu sapangaaqqanik nuisineq misilissinnaallugu.
- Tupilaat kalaallini inuiaqatigiinni immikkorluinnaq atorneqartarput. Siulit anersaavinik taakku peqarput, atorfissaqartinneqaraangata ornigutsinneqartartut, Ingrid Dal oqaluttuarpoq.