Aligoq nunani allamiunut tuniniarlugu sianiillisaarneruvoq
Finn Karlsenip ernummatigaa Qeqertarsuaatsiaat eqqaanni aligup nunani allamiunut tunniunneqarnissaa
Inatsisartuni ilaasortap Finn Karlsenip, Siumut, ernummatigaa kalaallit aliguutaaat nunanut allamiunut tunniussorneqarnissaat.
Taamaattumik ippassaq Naalakkersuisut siulittaasuannut Kuupik Kleistimut aamma aatsitassanut naalakkersuisumut Ove Karl Berthesenimut ammasunik allappoq Qeqerarsuatsiaat eqqaanni aligut pillugit.
- Erseqqissaatigissavara assorsuaq ernummatigigakku ujaraq illernartoq aligoq nunani allamiunut piaarneqanissaasa tunniunneqarnissaat.
- Taamaattumik ilungersorlunga qinniuiginiarpassi aligumut tunngatillugu eqqarsarluaqqullusi. Aligumi piaanissaq nunani allamiunut tuniukkaanni nunaqarfissullu taamaallaat piaanermi sulisartutut atorlugit, tamanna annertuumik annaasaqaataassaq isumatusaarnerunngivillunilu. Taamaattumik uanga qinikkatut isumaqarpunga pisuussut taanna nunaqarfissunik pigineqassasoq aamma aningaasanik isertitsissutitut atorneqassasoq. Kiisalu nununi allamiunut imaaliinnarluni tunniunnagit, Finn Karlsen allappoq.
- Soorunami pisuussutip aningaasanik isertitaqarnissamut atorneqarnissaata kingunerisaanik inatsisitigut iluarsiisoqartariaqarpoq tunngavigineqartussamik. Tamatumani isumaqanngilanga pisuussutip kikkunnit tamanit atorneqarnissaanik, oqarnittuut qanoq atorneqarnissaanut tunngatillugu inatsisiliortoqartariaqarpoq, Finn Karlsen allappoq neriuutigalugulu saaffiginnissutini eqqarsalersitsiumaartoq tusarneqarlunilu.