2010 kiannersaasimavoq

Siodrna nunatsinni qaammatit ilaat immikkut ittumik kiassuseqarsimapput.

Februaarip 18-ianni Kujataa issippasikkaluartoq 2010-mi Kalaallit Nunaat ataatsimut isigalugu kiattorujussuusimavoq. Assi satellitsimit Aquamit assilisaq.

2010 Danmarkimi nalinginnaasumit nillernerusimasoq, Savalimmiunilu Tórshavn ukioq tamaat isigalugu nillernerulaarsimavoq, nunamili maani pissutsit allaanerujussuupput.

Taamatut allappoq Danmarks Meteorologiske Institut quppernermini nittartakkami.

Kalaallit Nunaanni DMI-p silasiorfiisa amerlanerpaat, tunup avannaaniittup kisimi pinnani, 2010 aatsaat taama kiatsigisoq uuttorsimavaat. Tamanna peqatigalugu qaammatikkaartunik sæsonikkaartunillu rekordeqartarsimavoq, silasiortoq John Cappelen allappoq.

DMI 1870-ikkunniilli silasiortalerpoq.

Powered by Labrador CMS