Sallingimi aqqusinermi puisi
Roslevimi Viumvejimi kuummut qaninnerpaamut kilometerinik marlunnik ungasitsigisumiittumi takuleriarlaripput puisinnguaq.
Sapaatit akunnerata naanerani puisi Midt- og Vestjyllandimi (Jyllandip qeqqani kitaani) puisi sammineqavissorpoq. TV-midtvestip Knud Erik Bach pillugu oqaluttuaq ilanngutassiaraa, taanna tallimanngormat Roslevip eqqaani Viumvejikkut ingerlaarpoq:
- Biilit marluk qullitik tamaasa ikittaqattaartillugit uninngapput Knud Erik Bachilu eqqarsarpoq tuttuusamingaasiit apuisoqarsimassasoq. Aallaaniartartuugami sungiussisimaqalunilu savini nassaarivaa tuttuusaasorisani toqunniassagamiuk. Kisianni taamaattuunngilaq.
- Biilinnit niugama pissiallattarluni aallartippoq, taamaalimmallu aatsaat paasilerpara puisiusoq, Knud Erik Bach oqarpoq.
Puisip eqqaani nikorfapput bussinik ingerlatitsisartoq allalu biilertoq.
- Taakku assorsuaq naammattoorsimasamik puisiunera tupassutigisimavaat, Knud Erik Bach oqaluttuarpoq.
Knud Erik Bachip puisi pooriarlugu biiliullugu Skivemut ingerlateriarlugu Karupip kuuanut niuavaa.
- Puisip kiiniarsarigaluarpaanga jakki sullit pisoqaq puuliuteriarlugu biilit aquanut ikivara, puisinniartartoq oqaluttuarpoq.
Puisi ataatsip missaannik ukioqarunarpoq 30-35 kiilunik oqimaassuseqarluni. Qanoq iliorlunilu Sallingimut pisimanersoq suli ilisimaneqanngilaq.