Arina Arctica Tasiilami
Umiarsuaq piffissap taamaalinerani Tasiilamut tikittanngikkaluartoq, Tasiilamut nalunaaqutaq 12.30 nioqqutissanik nutaanik usilluni tikippoq.
Annonse
- Nutaarsiassaq nuanneqaaq. Arina Arcticap 12.30 tikinnissaa naatsorsuutigaarput. Piffissaq taamaalinerani umiarsuaqartanngikkaluarpugut taamaattumik umiarsuaqarnissaq immikkut pissanganaateqarpoq, umiarsualiviup pisortaa Gaba Kristiansen oqarpoq, umiarsuup naalagaanik oqaloqateqarsimasoq.
Pilersaarutit malillugit Arina Arctica ippassaq sapaatiummat Tunumi illoqarfimmut apuuttussaagaluarpoq, kisianni sikuunera pissutigalugu kinguaattoorpoq ullulli qeqqata kinguninngua tikippoq.
Arina Arcticap tikinneratigut illoqarfimmut nioqqutissat nutaat tikipput.