Tasiilami Arina Arctica neriuffigaat

Arina Arctica Tasiilamut apuunniarsarivoq, sikuli ajornartorsiortitsivoq.

Tasiilami umiarsualivimmi pisortaq Facebookimi qaammatip matuma siuliani nuannaaqaaq umiarsuarmik tikittoqassammat, maannali Arina Arcticap tikinnissaanut siku ajornartorsiortitsivoq. Assiliisoq: Inuaraq Petersen

Arina Arctica Tunumut ingerlaarpoq, tulannissaali isummerfigineqassaaq umiarsuup siku tikilerpagu. Taamatut ilisimatitsivoq Royal Arctic Line.

Pilersaarutit malillugit Arina Arctica Tasiilamut apuutissaaq januarip ulluisa qulingiluaanni.

Royal Arctic Line arlaannik tassunga tunngasumik pisoqariarpat ilisimatitsiniarpoq.

Powered by Labrador CMS