Kalaallisut ateqarsinnaalluarput

Ullumi marlulissat tamanut ilisaritinneqarmata kunngissaq Frederik taama oqarpoq

Rigshospitalimi napparsimasup Rita Jensenip Nuummeersup (talerpilleq) marlulissat qanimut takuai. - Tamarmik inequnavissorput. Foto: Rosa Thorsen
Qaqortumeersup Sara Tessingip kunngissakkut kalaallisut pilluaqquai, kunngissarlu akivoq: Qujanaq. Foto: Rosa Thorsen
Rigshospitalimi napparsimasup Rita Jensenip Nuummeersup (talerpilleq) marlulissat qanimut takuai. - Tamarmik inequnavissorput. Foto: Rosa Thorsen Qaqortumeersup Sara Tessingip kunngissakkut kalaallisut pilluaqquai, kunngissarlu akivoq: Qujanaq. Foto: Rosa Thorsen Rigshospitalimi napparsimasup Rita Jensenip Nuummeersup (talerpilleq) marlulissat qanimut takuai. - Tamarmik inequnavissorput. Foto: Rosa Thorsen Qaqortumeersup Sara Tessingip kunngissakkut kalaallisut pilluaqquai, kunngissarlu akivoq: Qujanaq. Foto: Rosa Thorsen Rigshospitalimi napparsimasup Rita Jensenip Nuummeersup (talerpilleq) marlulissat qanimut takuai. - Tamarmik inequnavissorput. Foto: Rosa Thorsen Qaqortumeersup Sara Tessingip kunngissakkut kalaallisut pilluaqquai, kunngissarlu akivoq: Qujanaq. Foto: Rosa Thorsen

Nunarsuarmi kunngikkormiunik perngaammik marlulisoqarpoq. Rigshospitalip isaariaa inunnik ulikkaarpoq. Tusagassiortut, assiliisartut, tv-liortut inuinnaat amerlaqalutik takkussuussimapput, kunngissakkut marluliaatitik ullut arfinillit matuma siorna inunngortut ilisaritimmatigit. Inuit utaqqilluartut aterfigtaat. Mary pinnersup nukappiaraq ataatap Frederiup tulluusimaarluni niviarsiara sarliarpaa.

Marlulissat kalaallisut atserneqarsinnaaneri kunngissap ajornarunartinngilaa: - Kalaallit aqqi eqqarsaatiginngitsoorneqanngillat, kunngissaq oqarpoq. Erseqqissarpaali atsiinissaq suli nalliutilinngitsoq.

- Oqaluffimmi kuisissapput, kunngissaq oqarpoq.

Kallaallit napparsimasut najorneruvaat

Napparsimasup Sara Tessingip ilaqutaa kalaallisut pilluaqqusinissaminnut periarfissippoq. Allat peqatigalugit elevatorip kunngissakku aniffissaata eqqaani nikorfapput.

- Kunngissaq erseqqissumik oqarfigaara pilluarit, pikkori, uissuummerpasillunilu akivoq Qujanaq, Sara Tessing oqarluttuarpoq.

Kalaallit arlallit marlulissat qaminut takuaat. Tusagassiortut sammereeramikkit biilinut aniartortillutik marlulisimasut minutsini marlussunni ilaatigut Rita Jensenip Nuummeersup eqqaani nikorfapput. Kunngissakkut qallunaat kalaalillu erfalasuinik aalaterisiut nikorfaffigaat. Rita Jensenip aappariit pilluaqqusinnagamigit nuannaarutigaa.

- Kunngissakkut meteriinnarmik ungasitsigalutik nikorfapput pilluaqquagullu, akivaatigut maluginiarneqarnertillu qujamasuutigalugu, Rita Jensen oqaluttuarpoq.

Powered by Labrador CMS