Nunarsuarmik naapitsinerminni marlulissat sinipput

Rigshospilatip paarsuaasaani marluliaatitik tamanut takutikkamikkit kunngissakkut nuannaarnerat tulliisimaarnerallu erseqqissumik takuneaqarsinnaapput.

Tæppenik qaqortunik imuneqarsimallutik marlulissat niaqui taartut takuneqarsinnaapput. Nukappiaraq qasertunik atorpoq, niviarsiararlu qaamasumik tuluujoqarluni.

Qamuuna annertuumik attortissimalluni kunngissap nulia nukappiaqqamik tigumiartoq meeqqat ajunngitsut oqaluttuarpoq. Frederik niviarsiaqqamik tigumiarpoq.

- Ajunngitsorujussuupput. Sinipput. Ajunngillat, angajoqqaavi qalleraatiinnarlutik oqaluttuarput.

- Tigugakkit pisoq angisoorujussuuvoq, kunngissap nulia oqaluttuarpoq.

Nukappiaraq arnami assaanik tigumiartillugu najaa inunngorpoq, kunngissaq Frederik oqaluttuarpoq.

- Najani asavaa. Siniffimmiitillutik najani ujartuartarpaa, kunngissap nulia oqaluttuarpoq.

Angerlarnissartik angajoqqaat qilanaarisorujussuuaat, ilaqutariillu arfiniliusut ingerlallualernissaat, oqaluttuarput.

- Unnuakkut annikitsuinnarmik sinittarpunga, annertuumik milutsitsisarama. Assigiimmik pissuseqalernissaat sulisutigaarput, Mary oqarpoq.

Napparsimmavimmi ullut unnuallu ulapaarfiusimapput, meeqqat pillugit, aammalu ilaaquttat ikinngutillu pulaartartut.

Aappassaanik ernisut nalunaaqquttap akunnerisa sisamat qaangiunnreranni angerlartinneqartarnerat nalinginnaavoq, kunngissalli nulia ulluni arfinilinni napparsimmavimmi uninngavoq.

Nukappiaraq sungarpallassimasoq sisamangormat nalunaarutigineqarpoq. Nappaat navianannngitsoq, inunngorlaat pingajorarterutaasa nappaatigisartagaat, aamma siusinaartumik inunngortut.

Assiliisut, filmiliortut tusagassiortullu Rigshospitalimi najugaqarnerusutut oqaatigineqarsinnaapput, marlulissat arfininngormat inunngormatali.

Inissiffitik qaqiffigisimasatillu paarilluarsimavaat, meeqqat nunarsuarmi tusaamasaalereersut kusanarnerpaamik assilisinnaajumallugit, taakkulu Australiamit, Tyskland-mit, Tuluit Nunaannit aamma Sverigemit pisuupput.