Illuatungeriit suli isumaqatigiinniaqqinngillat
Air Greenlandip timmisartortartuisalu aaqqiagiinngittoqarnerani suli ingerlariaqqittoqanngilaq, timmisartullu suli nunamiipput.
Annonse
Sapaammi januaarip 9-aniilli, timmisartortartunut isumaqatigiinniarnerup ajalusoornerata nassataanik, ingerlatsiviup timmisartortartut timmisartunilu saqisut suliartornissaannut mattuppai.
Arfininngormat illuatungeriit Isumaqatigiissitsiniartarfiup avissaartippai, isumaqatigiissitsiniartup Asbjørn Jensenip illuatungeriit imminnut ungasippallaarnerat, isumaqatigiinniarnerillu ingerlateqinnissaa siunertaqanngitsutut, nalilermagu.
Air Greenland nalunaarpoq, illuatungeriit taamaniilli isumaqatigiinniartitaat isumaqatigiinniaqqinngitsut.