Angutit arnaq ipinissaraluanik aannaakkaat
Illoqqortoormiuni Politiet Jan Lorenzen aamma Jens Emil Barselajsen annaassineranni akissarsisippaat.
Kalaallit Nunaanni Politimesteri Illoqqortoormiuni Politiit innersuussinerisigut Jan Lorenzen aamma Jens Emil Barselajsen, tamarmik Illoqqortoormiuneersut, akissarsisippai tamarmik 2.000 koruuninik aningaasartalimmik.
Akissarsisinneqarput pissutigalugu sapaammi oktobarip 31-ani 2010-mi Illoqqortoorrmiuni Politiit ikioramikkik arnaq inuusuttoq ipilluni imminut toqunniaraluarnerani annaakkamikku.
Akissarsisinneqarneranni politiini ikiorti Svend Erik Steensen, Illoqqortoormiuni Politiineersoq, oqarpoq angutit taakku marluk aalajangersimalluinnarlutik piaartumillu iliuuseqarnerisigut arnaq inuusuttoq annaassimagaat.
- Ilissi iliuuseqarnissigut takutipparsi inuit piginnaasaasa pitsaanerpaartaat - nangaajallannasiluunniit piaarnerpaamik iliuuseqarassi inuk ikiorneqarnissamik pisariaqartitsisoq ikiorlugu. Taamaattumik Politimesterip inuulluaqqussutaa ilissinnut tunniunniarpara 1000-eriarlunga annaassisimanissinnut qujassuteqarlunga, Svend Erik Steensen oqarpoq.