Iisartakkap angutit kinguaasiuutaannut ilaqutaasinnaasup KNR.gl matuaa
Inuiaqatigiinnik sullissilluni aallakaatitsisarfiup nittartagaa hackerneqarsimavoq. Atuisut Viagramut pilerisaarut taoriartaarsinnaavaat.
KNIR-ip nittartagaanut ullumi isernissat ajornartorsiutigisimagukku, taava illit kisimiinngilatit.
KNR-imuna nittartagaa hackerneqarsimasoq, taamak aallakaatitsisarfik tusagassiuutitigut nalunaaruteqarpoq.
Hackerit KNR-ip nittartakkaminik ingerlatsinerminut atortorisaani sillimanermut sanngeequt atorsimavaat. Tamatuma kingunerisaanik atuisut piffissami sivikitsumi qupperneq viagramik tuniniaaffiusoq takusarsinnaavaat.
- Suna patsisaanersoq paasivarput ajornartorsiullu anigorniarlugu iliuuseqarluta aallartereerpugut. Neriuutigaarput ullut tulliuttut ingerlanerini ajornartorsiut anigorumaarlutigu, KNR-imit nalunaarput.
Decembarimi aammattaaq KNR-ip nittartagaa hackerneqarpoq. Taamanikkut aammattaaq nittartakkamik alakkaasut Viagramut pilerisaarummik takutinneqartarsinnaasimapput.