Seqineq Ilulissani siusinaarpoq
Ullunik marlunnik sioqqutsilluni issittumi seqineq pukkeqaluni nueratannguarpoq. Silap kiassusiata/ississusiata immikkut illuinnarnerata kinguneranik aamma isigisaqarnermi eqqumiitsumik isigisaqartarneq patsisaapput.
Ilulissani innuttaasut seqernup qinngorneri nuannaarutigisinnaalereerpaat januaarip aqqarnani, pisarnertut januaarip 13-ianiunngitsoq. Seqernup siusinnerusukkut nuinerata inuit eqqarsalersippai.
»Arlalippassuit ernumalerput, aamma ilaasa oqaatigaat silarsuaq allanngoriartulersoq,« Qaasuitsup Kommuneani attaveqarnermut pisortaaq Mads Bang Berlingske Tidendemut taamak oqarpoq.
Kalaallit Nunaani silasiortuusimasoq soraarneq, Leif Rasmussen, naapertorlugu pisumut patsisaasoq tupinnartorujussuuvoq, kisianni aamma tupinnarpallaarani. Tassagooq refraktion.
- Seqernup siusinnerusukkut nuineranut taamaallaat pissutaasinnaangajappoq silap kiassusaata/nillissusaata silaannarmi killormut saassimanera - inversion-imik taaneqartartoq. Nunap qaavani kiassuseq/nillissuseq silaannarmi qutsinnerusuminngaanniit appasinnerugaangat, taava qaamaneq taamatut napisuussisarpoq, taamaalinerani seqineq takuneqarsinnaalersarluni, naak piviusumik killingusaami tarrisimagaluarluni, Leif Rasmussen Berlingske Tidendemut oqarpoq.
Pisoq videomi uani takujuk:
video platformvideo managementvideo solutionsvideo player