Puiseeraq 33 millionit koruuninik akeqarpoq
Pinngortitaleriffiup illorsuartaa ilaneqarpoq, taanna puisimik taaneqartarpoq.
Kalaallit Nunaanni Pinngortitaleriffik maanna ilaneqarami 820 kvm2-imik angissuseqalerpoq. Illorsuartaa, puisimik taaneqartartoq, maannakkut puiseerartaarpoq.
Ilassutaa allaffinnik sulisunut 25-nut inissaqartitsivoq, ataatsimiittarfeqarluni, laboratoriat, toqqorsiveqarluni, sikkilinut inissiisarfeqarluni aamma isersimaartarfeqarluni. Ilassut instituttip allissutaanut ilaavoq sanaartornermi atortut, isikkua aamma pitsaassusaat illorsuartut pioreersutut isikkoqarlutik atorneqarlutillu. Aage V. Jensens Fondemit 33 millionit koruuninik tunissuteqarfigineqarnikkut ilassutaa sanaartorneqarpoq.
Ilassummut tunissutit ilagaat aamma pequttat, qerititsisinnaanermut atortorissaarutit, ataatsimiinnermut atortorissaarutit aamma illorsuartaviata allanngortiternera.