Nunatta peqataananginnera ajuusaarutigaat
Issittoq pillugu Tromsømi ataatsimeersuarnissami Danmarkip Kalaallit Nunaatalu politikkikkut peqataatitaqannginnerat aaqqissuussisut pakatsissutigaat.
Aqqaluk Lynge peqataassaaq, inuilli kattuffiata ICC-p præsidentiatut. Taamaattumik issittoq pillugu ataatsimeersuarnissami Arctic Tipping Points-imi, sapaatiuppat Norgep avannaani Tromsømi ammartussami, aaqqissuussisut, ingerlatsiviup Arctic Frontiers-ip, tupigusuutigaaa qallunaat kalaallillu peqataatitaqannginnerat.
- Ataatsimeersuarneq ingerlanneqassaaq siunissamut sannavittut. Tassani silap pissusianik ilisimatuut suliaminnik angusatik nutaajunerpaat saqqummiutissavaat, tamatumuunakkullu aalajangiisartut siusissukkut peqataanissaminnut periarfissinneqassapput, Arctic Frontiers-imi allattoqarfimmi pisortaq Reinhold Fieler oqarpoq.
- Konferencen gennemføres som et fremtidsværksted. Her er klimaforskerne ude med de nyeste resultater af deres arbejde, hvilket giver beslutningstagere mulighed for at være med i en tidlig fase, siger sekretariatsleder Reinhold Fieler, Arctic Frontiers.
Han siger, at danske politikere har været inviteret hvert år, men de er aldrig dukket op. Det er femte gang, konferencen holdes, og i år sker det i samarbejde med Nansen-Amundsen-året til minde om de to norske polarforskere.
Silap pissusianut ministerip Lykke Friisip (V) norskit isorinninnerat paasisinnaannginnerarpaa oqarlunilu Issittumi ineriartornermut Danmarkip peqataannginneranik oqarneq piviusorpalaanngitsoq.
- Erseqqissarlara Danmarki issittumi apeqqutinut tunniusimasorujussuummat. Nunat tamalaat silap pissusianik isumaqatigiinniarneranni aammalu ilisimatusarnermi nammineri, Lykke Friis oqarpoq.
Ilisimatusaatit kingulliit paasiniarlugit taanna ilaatigut sapaatip akunnera ataaseq Tunup avannaani qallunaat ilisimatusarfianni Zackenbergimiissimavoq.
– Taamaattumik peqataasinnaannginnera takussutissaanngilaq isumaqartunga ataatsimeersuarnissaq pisariaqanngitsoq. Qallunaat naalakkersuisui ataatsimeersuarnermik taamaattumik ukiup ataatsip matuma siornatigut Kalaallit Nunaanni ingerlanneqartumi aaqqissueqataasimavoq, silap pissusianut ministeri nassuiaavoq.
Lyke Friisip ilanngullugu oqaatigaa qallunaat EU-mi siulittaasuunissaanni Issittoq pingaartinneqassasoq. Silap pissusianut ministeri oqarpoq sunut tamanut peqataanissaminut piffissaqarani.
Aamma Kalaallit Nunaannit peqataasoqassanngilaq. Naalakkersuisut siulittaasut Kuupik Kleist, nunatsinni ilinniartitaanermut naalakkersuisoq Mimi Karlsen aammalu inuussutissarsiornermut aatsitassanullu naalakkersuisoq Ove Karl Berthelsen tamarmik qaaqquneqarsimapput, peqataasinnaanatilli.
Naalakkersuisunut ilaasortat Ilulissani ilinniagaqarneq pillugu ataatsimeersuarnissami peqataassapput. Ataatsimeersuarnissaq tamanna Kalaallit Nunaannut pingaarutilerujussuartut taaneqarmat Ove Karl Berthelsen Norgemi peqataasinnaanani ajoraluartumik nalunaartariaqarsimavoq, naalakkersuisup allaffia paasissutissiivoq.
Fielerip neriuutigisimagaluarpaa kalaallit Tromsømi Kalaallit Nunaata aatsitassanut periusianik nassuiaassasut, misissuinerit takutissimammassuk sermersuup ataani nunarsuarmi grundstoffit qaqutigoornersaannik annertuumik peqartoq.
Tusagassiorfiit 37-it Arctic Frontiersimut qaaqquneqarsimapput, taakkunannga 17-it norskit, qallunaanilli pinnani.
Ataatsimeersuarnermi pingaarnerusutut oqaluttuartussat ilaatigut tassaapput:
* nunanut allanut ministeri Jonas Gahr Støre, Norge
* nunanut allanut ministeri Össur Skarphedinsson, Island
* naalagaaffiup allattaa Pertti Torsila, Finland
* guvernør Ilja F. Mikhaltjuk, Ruslandimi nunap immikkoortuanit Arkhangelskimit
* ambassadør John F.G. Hannaford, Canada
* kontreadmiral aamma oceanograf Dave Titley, USA
* inuit kattuffiata ICC-p præsidentia Aqqaluk Lynge, Grønland
Ataatsimeeresuarnermi sammineqartussat:
* Issittup inissisimanera 2011
* Aalisarneq imaanilu pisuussutinik ingerlatsineq
* Inuussutissarsiorneq, ilisimatusarneq pinngortitallu pisuussutai
* Imap sikuaaa imavissuarnullu ilimanaatit
* Socioøkonomiskemi ilimanaatit
* Avannaani inuit