Iluliaq Kangianut Qiterlermut
Julien Caquineau-p naatsorsuutigaa ukiut tulliuttut pingasut ingerlaneranni kalaallit erngat tuniniaavimmi angisoorsuarmi tuniniarneqalissasoq
De Forenede Arabiske Emirater-imi Ras Al Khaimah-mi sapaatit akunnerini marlunni isumaqatigiinniareerluni Ilulissani Iluliaq Waterip pisortaa Julien Caquineau, pingaarnerusutut siammarsaasunik isumaqatigiissuteqarpoq Iluliaq-mik Kangiani Qiterlermi tuniniaasalerniartumik.
Tassa nunani makkunani De Forenede Arabiske Emirater, Saudi Arabia, Oman, Qatar, Bahrain, Kuwait, Libanon aamma Jordan. Kiisalu Europap kangiani Centralasiamilu. Tamatuma saniatigut naatsorsuutigineqarpoq kalaallit erngat pitsaaso Indiami, Ruslandimi Pakisatanimilu tuniniarneqalerumaartoq. Anguniagaapput akunnittarfiit 5-7-inik ulloriallit, barit klubbillu immikkut toqqakkat pisiniarfiillu nioqqutissanik immikkut ittunik tuniniaasut.
Julien Caquineaup siammarsaasup aqqa oqaatigiumanngilaa, oqarlunili ingerlatsivik De Forenede Arabiske Emiraterøimi kunngikkormiunut ilaasortamit pigineqartoq.
Sumiiffinni tamakkunani ukiut pingasut ingerlaneranni ilisaritikkiartuaarneqassaaq. Naatsorsuutigineqarpoq Kangiani Qiterlermi ilisarititsineq siulleq ukioq manna marsimi periissasoq, taanna paasissutissiivoq.
Tamanna peqatigalugu Illulissani tunisassiorneq ineriartortinneqassaaq tamakkiisumillu automatiskinngortinneqassalluni, piumasanut angummakkumalluni. Piffissami tassani tunisassiorneq annertusarniarneqarpoq Bisgaard Trading Ilulissat suleqatigalugu, Julien Caquineau paasissutissiivoq.
Samtidig vil produktionen i ilulissat at blive udviklet og blive fuldautomatisk, så man kan følge med efterspørgslen. Og i samme periode vil man skaffe mere plads til produktion i samarbejde med Bisgaard Trading Ilulissat, oplyser Julien Caquineau.
Manna tikillugu imeq puiaasamut 50 dollarseqarsimavoq. Aki taanna aallartitsissutigisariaqarsimavara assaannarmik suligama aammalu kisimiillunga aningaasaliissuteqarama, taamaattumik annikinnerpaamik aningaasaliillunga sulisariaqarsimavunga annikitsunillu tuniniaanikkut aningaasarsiussallunga. Taamaattumik aki qaffasissuutittariaqarsimavara. Manna tikillugu pilersaarusigisimavara tunisasssiamik immikkut ittumik akisuumik tunisassiorniarlunga, Julien Caquineau nassuiaavoq.
Siunissami annertuumik tuniniaasalernissaq pissutigalugu niueriaaseq tamanna allanngortinneqarsimavoq taamalu aamma akia. Emiraterne-mi imeq puiaasaq 75 ml-inik imalik 10 dollarsit missaanni akeqassaaq (40 AED). USA-mi New Zealandimilu aki nutaaq taanna aamma atorneqalersimavoq, Julien Caquineau oqarpoq.
- Aamma Frankrigimi, Spaniami, Portugalimi, Tysklandimi Danmarkimilu siammarsaanissaq ammaaffigisimavarput. Siammarsaasunik, Iluliaq-mik soqutiginnittorujussuarnik, suli oqaloqateqarpunga. Taamaattumik periarfissaqarpoq franskit qallunaallu tuniniaavianni februaarimi aallartereersinnaasugut, Julien Caquineau oqarpoq.
- Ineriartortitsinikkut aamma Iluliaq Kalaallit Nunaanni ilisaritissinnaavarput unammillersinnaasumik akilik. Isumaqarpunga Kalaallit Nunaanni pisiniarfinni Iluliaq puiaasamut 30 koruunilerlugu tuniniarneqarsinnaasoq. Kalaallit imeraaat, Kalaallit Nunaanni tunisassiarineqarlunilu puiaasanut immiunneqartoq, taamaattumik kalaallinut tuniniaavimmi akigissaassaaq. Suli tamaani tuniniaalinngilara, tamannali anguniarpara, Julien Caquineau oqarpoq.