Sikup ataani uulia aniasoq ajorluinnassaaq

Sikup ataani uulia siaruaappat tamanna iliuuseqarfigisinnaanngilluinnassaaq, qallunaaq immikkut ilisimasalik oqarpoq. Aamma Greenpeace mianersoqqusivoq.

Sikup ataani uuliaarluerneq uumassuseqarnermut kinguneqarnerluttorujussuussaaq. Ass.: AP

Berlingske Tidende ullumi allappoq Issittumi sikup ataani uuliamik ajunaarnersuaq ajorluinnassasoq

Maanna avatangiisinik immikkut ilisimasallit avatangiisinillu illersuiniaqatigiit, soorlu Greenpeacep, sakkortuumik mianersoqqussutigaat BP-p Rosneft-illu Karahavet-imi uuliamik ujaasilernissaat - kingornalu qalluilernissaat.

- Sumiiffimmi sikumik qallersimasumi uuliaarluernerup qanoq iliuuseqarfiginissaa ajornarluinnangajappoq, ujarassiooq Kaj Sørensen oqarpoq, taannalu GEUS-imi siusinnerusukkut pisortap tullerisimavaa. Tamanna uumassuteqarnermut kinguneqarnerluttorujussuussaaq.

Taassuma paasisinnaanngilaaq sumiiffinni ukiup ilarujussua sikoqartartuni ujaasilluni qillerinissamut akuersissuteqartoqarsimammat.

Powered by Labrador CMS