Qimussimik alapernaarsuisut Sirius upernaakkut alapernaarsuineq aallartippaat
Tunup avannaani kaperlaap ataani qimussimik alapernaarsuisut Sirius ukiortaamiilli upernaakkut alapernaarsuinissaq piareersarsimavaat
Januaarip 20-ianni Siriusip 2011-mi upernaakkut alapernaarsuinini aallartippaa. Alapernaarsuisut qimussit arfiniliupput, qaammatini sisamani affarmilu Avannaani Tunullu avannaani sineriammik alapernaarsuissallutik. Sineriak tamanna narluinnarlugu 2100 kilometerit missaannik isorartussuseqarpoq. Qimussersut pilersaarutigaat katillugu 15.500 kilometerinik isorartutigisoq alapernaarsussallugu.
Qanittukkut SIRIUS-ip qaammatip aappaata affaani ukiakkut alapernaarsuinini naammassivaa.
Qimussersut ukiakkut alapernaarsuinermi silagissiorsimapput qimusserfigissimallutillu. Ukiakkulli apinikinnera pissutigalugu nunakkut itivittariat arlallit unammilligassaasimapput.
Qimuttoqatigiit tamamrik decembarip 24-iat nallertinnagu Danborgimiut uterput taamaasillutillu eqqissillutik juullisiorlutillu ukiortaarsiorsinnaasimallutik.
Pilersaarutigineqarpoq Siriusip upernaakkkut alapernaarsuinera maajip 31-ianni naammassissasoq.