Qinikkat nutarterinissaq siuartippaat
Eske Brunip nunatsinni naalakkatut sunniutai 1932-miit 1953-imut ineriartornermut pingaaruteqanngillat, allaaserisap uppernarsarpaa.
Cand.mag. Jens Heinrich pingasunngormat ualikkut ph.d-nngorpoq Eske Brunip nunatsinni nutarterinermut pingaaruteqassusianik allaaserisani illersoramiuk.
Taamaalilluni tassaalerpoq Ilisimatusarfimmiit ph.d-nngortut aappassaat.
Naliliisartut tassaasut Bo Lidegaard, Paul Villaume aamma Uffe Jakobsen Jens Heinrichip allaaserisaa pitsaanerpaatut nalilerpaat.
Piginnaaneqarluartoq, tunngavilersorluaaq uppernarluartorlu tassaapput oqaatsit allaaserisap nalilersornerani atorneqartut.
Jens Heinrichip allaaserisamini ilaatigut ima inernilerpaa Eske Brun naalakkatut kingornalu nunatta aqunneqarnerani pisortatut 1032-miit 1953-imut nunatta ineriartorneranut pingaaruteqartutut inissisimavoq, aalajangiisuunngilarli.
Allaaserisami allaaserineqarpoq tassaasut nunatsinni qinikkat landsrådemiittut nunatsinni nutarternissap aallartinnissaanut tuavisaarisuusut.
Naliliisartoqatigiit pingaartippaat Jens Heinrichip oqaluttuarisaanermi aallerfissat nutaat nassaarimmagit, taamaalilluni nunatta oqaluttuarisaanikkut ineriartorneranut paasinninneq allanngorarnerulluni, ilaatigullu kalaallit naalakkersuinermik suliallit anngaaginnartuusimanerannik upperiliinnagaq suujunnaarsillugu.