Sume Weekendavisenimi nersorneqarpoq
Avisi Weekendavisen decembarimi siusinnerusukkit Sumekkut tusarnaartitsimmata
Sume Weekendavisenimi saqqumisumi allaaserineqarpoq qulequtserlugu: Sermersuaq akisuasoq.
Tamanna pivoq decembarip 3-ani Sumekkut nalliuttorsiornerminnut atatillugu tusarnaartitsinerannik naliliinermi.
...Rockimik nipilersortartut nipilersornikkut kulturikkullu ilami naalakkersuinikkut pingaarluinnartuuvoq, kalaallit nipilersornerannik ilisimasalik naapertorlugu. Ukioq manna inuit nipilersoqatigiivi ukiunik 40-nngortorsiortut nunannaarlutik ukiut 40-t kingumut qiviarsinnaavaat. »Paassisariaqarpoq Sumekkut Kalaallit Nunaannut tassaammata Danmarkimut Gasolinikkut, nunarsuarmullu The Beatlesikkut«. Philip Lauritzen aamma Lasse Ellegaard Informationimi1973-mi.
»Tikilluangaaritsi« Sumekkut guitarertuat erinarsortuallu Per Berthelsen tusarnaarianut nilliasunut suaarpoq. Nuummi tusarnaartitsisut nipilersortartuupput tallimat qeerasaalersimasut, rockertartullu atisannaanik atisaqarlutik: koorbut nungullarsimasut ilulliillu manissarneqanngitsut. katillutik tassaapput Kalaallit Nunaanni rockertartut Sumekkut, ukiorpassuarni nunaminni nuannarineqarluartut.
Naliliineq allaaserisaallunilu Sumekkut ukiut ingerlanerini nalaassimasaannik allatuisoqarluni, allaaserisarlu ima naggaserneqarpoq:
»Qujarnarsuaq unnuk manna«, Per Berthelsen oqarpoq.
Tusarnaarianiilli suaartarluni akisoqarpoq: »Aammalu, Aammalu!« Nuannarineqassusiata aammalu nipilersoqqusinerullu takutippaa ukiuni 40-ni Kalallit Nunaanni nipilersortartut kingullermeerlutik tusarnaartitsinngitsut.
Naliliineq tamarmi Weekendavisenimi atuarneqarsinnaavoq.