TDC-p juullip inuanut 85.000-t sianersimapput
Ilaasa qularaat ukioq manna juullip inuata eqqaamassagaatik. TDC-p juullip inuanut telefonia 1986-imeersoq suli sianerfigineqartarpoq. Ukioq manna novembarip qiteqqunneraniit tlf. 70 24 12 07-imut - juullip inuatat normuanut - sianertut 85.000-inik sinneqarsimapput.
Juullip inua ukioq naallugu sianerfigineqarsinnaavoq, allaammi aasarissuakkut freersinnaanngilaq. Ullut tamaasa sianertoqartarpoq. Aasakkut sianerfigineqarnersaagami 2003-mi juulimi juullip inua ullormut 600-700-nik sianerfigineqartarsimavoq. Siorna 110.000-eriarluni sianerfigineqarsimavoq.
TDC-p juullimut inua 2005-imi sianerfigineqarnersaavoq decembarimi sapaatip akunnerani siullermi ullut tamaasa 19.000-nik sianerfigineqartarsimalluni.
Taama sianerfigineqartartigaaq aali juullip inua aningaasamik sunnguamilluunniit nittarsaanneqarneq ajoraluartoq. Akerlianik Facebookimi nuannarinnitseqarpoq, anaananillu Alt om børn aamma baby.dk-p quppernerani inassutigineqarluarluni.
Juullip inuanut sianertarfik siorna atorunnaarsinneqaraluarpoq, juullilermalli TDC-p sullissisunut saaffiginnittarfianut saaffiginnittorpassuaqariataarpoq juullip inuanik sianerfiginnissinnaanerminnik attassiinnarusuttunik. Inuit piumasaat malillugu normu ammaqqinneqarpoq.
Lars Theisgaard, ilaatigut Disneys filmiliaasa qallunaatoortinneranni oqaluttuusartutut ilisimaneqartoq, juullip inuatut oqaluttuuvoq.