Timersorneq atuaganngorlugu
Timersornermik atuakkiaq kalaallisooq ukiumoortoq siulleq saqqummersinneqarpoq.
Kalaallit Nunaanni Timersoqatigiit Kattuffiat atuakkamik ukiumoortumik siullermeersumik saqqummersitsivoq. Saqqummersinneqaqqammerpoq, GIF nalunaarpoq.
Kalaallit Nunaanni Ukiumi Timersornerit tusagassiortumut John Jakobsenimit allanneqarpoq aaqqissorneqarlunilu, nunatsinnilu 2010-mi timersornikkut pisut tamangajammik allaaserineqarsimapput.
Kalaallit Nunaanni Timersoqatigiit Kattuffiata neriuutigaa atuagaq tunisaalluassasoq - ukiut tamaasa juulllerneranni saqqummersinneqartalerniassammat. Atuagaq Pilersuisumi Pisiffimmilu pisiniarfiit amerlanersaanni pisiarineqarsinnaavoq - kiisalu illoqarfinni atuagaarniarfimmi.