Kræftimut katersuiniarnerup killinga

Borgmester Asii Chemnitz Narupip innuttaasut kajumissaarpai kræftertunut tunniusseqqullugit.

Arnap 50-inik ukiullip puakkut kræftertup assinga. Ass.: AP

Neriuffiit Kattuffiata telefonikkut katersuiniarnera naammassingajalerpoq, ullumilu sapaammi decembarip 19-ianni tunissuteqarnissamut periarfissaavoq kingulleq. Borgmesterip innuttaasut tamaasa kajumissaarpai tunniussinnaasaminnik tunniusseqqullugit.

- Inuppassuit kræftimik nappaateqarput aamma nunatsinni. Napparsimanermi erloqinartumi qularnartulimmi ersissuteqarnermilu tapersersorneqarnissaq pisariaqartinneqarpoq. Tamatumani sapinngisaamik amerlasuut tunisisariaqarput, angisuumik mikisumilluunniit, Asii Chemnitz Narup kajumnissaarivoq.

Neriuffiit Kattuffiat malillugu katersat atorneqassapput siunnersuisarfimmik pilersitsinermut, kræftertunik oqaloqatiginnittartut pikkorissartinnerannut, kræftertunut quppersagaaqqat nutsernerannut legatinullu.

Makkununnga sianerlutit imatut tapiissuteqarsinnaavutit:

Nummer 163-imut – ikiorsiissaatit 25,- kr.-inik.
Nummer 166-imut – ikiorsiissaatit 50,- kr.-inik.
Nummer 169-imut – ikiorsiissaatit 100,- kr.-inik.

Powered by Labrador CMS