Pinerliiniartartut saassussinissaat qallunaat naatsorsuutigaat
Qallunaat 79 procentii isumaqarput ukiuni qaninnerpaani pinerliiniartartunit Danmarki saassunneqassasoq.
Annonse
Qallunaat isumaqarput piffissami qaninnerpaami pinerliiniartartut saassussiumaartut, tamannali pissutigalugu toqqissisimannginnerulinngillat.
Tamanna takuneqarsinnaavoq Berlingske Tidende sinnerlugu Gallupip misissuinerani nutaami.
Aperineqartut 79 procentiisa ilimanartoqartittorujussuuvaat ilimanartoqartilluguluunniit Danmarki ukiuni qaninnerpaami pinerliiniartartunit ingasaassiniartunit, islamimiunit, ajortuliorfigineqarumaartoq.
Akerlianik inuit quliugaangata qulingiluat pisiniarfissuarmiinnissaq, qimuttuitsut unittarfianniinnissaq allaniluunniit inuppassualinniinnissaq ersiginngilaat, Gallupip misissuinerata takutippaa.