Akileraarutit takuneqarsinnaalissaaq
Kommuneqarfik Sermersuumi innuttaasut allagartani qalipaatigissuni takusinnaalissavaat akileraarutitik sunut atorneqartarnersut.
Annonse
Allagartarsuit qalipaatigissut 2011-mi missingersuutinik imaqartut saqqummersinneqarput decembarip 16-ani Nuummi Rådhusimi ullup qeqqanut innuttaasunut sullissivimmi.
Najugaqarfinni 12-ni allani innuttaasut aamma periarfissaqassapput 1,2 milliard koruunit 2011-mi Kommuneqarfik Sermersuumi atorneqartussat takunissaanut.
Missingersuutini ilaatigut takuneqarsinnaavoq innuttaasut kommunimut akiliutaat 100 koruuniugaangat 38 koruunit meeqqanut, inuusuttunut kulturimullu atorneqartartut. 38 koruunit affai imaluunniit 19 koruunit meeqqat atuarfianut atorneqartarput.
Kommuneqarfik Sermersooq aamma sanaartornissamut missingersuusiorpoq. Ilaatigut takuneqarsinnaavoq Nuummi ilaqutaqariit illuat sananeqassasoq Kulusummilu illu sullivik nutaaq.